Kön’yaq Koreya, AQŞ häm Yaponiya urtaq êş törkemen tözi
Kön’yaq Koreya, Amerika Quşma Ştatları häm Yaponiya ber’yulı raketa kisätü mäğ’lümatlären urtaqlaşu öçen tözeläçäk sistema öçen urtaq êşçänlek törkemen tözi
“Yonhap” xäbär itkänçä, Kön’yaq Koreya tışqı êşlär ministrlığı tarafınnan yasalğan belderüdä öç il räsmiläreneñ raketa kisätü sisteması mäs’äläsendäge mäğ’lümatlärne ber ük waqıtta urtaqlaşu öçen kiñäşmä törkemeneñ tözelüe turında kileşügä ireşelüe äytelde.
Belderüdä Kön’yaq Koreya İlbaşı Yoon Suk-yeolnıñ AQŞ İlbaşı Djo Bayden häm Yaponiya Baş ministrı Kişida Fumio belän ütkärgän söyläşülär waqıtında yaña sistemanıñ tözelüeneñ quzğatıluı iskärtelep uzılıp, öç lidernıñ "Tön’yaq Koreyanıñ raketa yanawlarına” qarşı mäğ’lümat urtaqlaşıluı mäs’äläsendä urtaq fikergä kilüe citkerelde.
Yaponiya matbuğatında çıqqan xäbärlärdä dä “ber ük waqıtta raketa kisätü sisteması mäğ’lümat urtaqlaşıluı” mäs’äläsendä öç il räsmiläre arasındağı söyläşülärneñ alıp barıluı açıqlanğan, soñğı kileşüneñ kiläse ayda Singapurda ütkäreläçäk iminlek forumında imzalanacağı alğa sörelgän ide.
Xäzerge waqıtta Amerika Quşma Ştatlarınıñ töbäktäge köçläreneñ Kön’yaq Koreya armiyası häm Yaponiya üzen saqlaw köçläre belän ayırım-ayırım ber’yulı mäğ’lümat urtaqlaşuı belderelä.
