Yasalma aqıl turında kisätälär
Üze ük “yasamla aqılnıñ atası” dip ataluçı Djeffri Xinton yasalma aqılnıñ qurqınıçları turında kisätülär yasadı
Amerika massaküläm mäğ’lümat çaraları “yasalma aqılnıñ atası” bularaq ta bilgele komp’yuter injenerı Djeffri Xintonnıñ yasalma intellekt turdıruçı yanawlar turında söyläw öçen “Google”dağı êşennän kitüe turında yaza. Ul “New York Times” gazetına interv’yu birde.
Xinton yasalma aqıl tarmağındağı alğarışlarnıñ “cämäğat’çelek häm keşe öçen tirän qurqınıç barlıqqa kiterüe”n belderde. Ul 5 yıl êlekkege wäzğıyät’ belän bügengesen çağıştırğannan soñ: “Ä xäzer bu ayırmanı alıp kiläçäkkä quyıp qarağız. Bu qurqınıç,”-dide.
Täcribäle injener texnologiyä gigantları arasındağı köndäşlekneñ şirkätlärne xätär tizlek belän yasalma zihen texnologiyäläre täq’dim itärgä, êşlärne qurqınıç astına quyarğa häm yalğış mäğ’lümat taratırğa êtärüen söyli. “Tiskäre aktyerlarnıñ yasalma aqılnı naçar êşlär öçen qullanuına niçek kirtä bula aluıbıznı kürü awır,”-dide ul.
2022nçe yılda “Google” häm “OpenAİ” (yasalma aqıllı çat botu ÇatGPTnıñ startapı) êlekkegä qarağanda tağın da zur külämdä mäğ’lümat qullanuçı sistemalar yasıy başladı.
