Yaman şeşne açıqlawda alğarış
Ğalimnär yaña yasalma intellekt maşinası uylap tapqan
Ğalimnär yaman şeşne monnan aldağılarına qarağanda yuğarıraq tögällek belän açıqlıy torğan yasalma intellekt maşinası uylap tapqan.
Yaman şeş - böten dön’yada kiñ taralğan ülem säbäpläreneñ berse.
Bötendön’ya sälamätlek saqlaw oyışması mäğ’lümatlarına qarağanda, yıl sayın yaqınça 10 million keşe yaman şeş awıruınnan ülä.
İrtä diagnostikalaw häm däwalaw tormışnı saqlap qaluğa yärdäm itä.
Yaña yasalma intellekt maşinası raknı açıqlawda qullanılaçaq.
Angliyädäge yaman şeş awıruların tikşerü institutı belgeçläre êşlägän yasalma intellekt maşinası komp’yuterlaştırılğan tomografiyädä kürengän anomal’ zurayularnıñ yaman şeş arqasında bulıp bulmawın açıqlıy ala.
Älege algoritm bulğan ısullardan näticäleräk êşli.
Royal Marsden doktorı Benjamin Xanter beldergänçä, kiläçäktä bu ısul irtä diagnoz quyarğa häm däwalawda uñışlıraq bulırğa yärdäm itäçäk.