Keniyada “açlıq sektası” qorbannarı arttı
Ber çirkäw wäğaz'çese xalıqnı açlıqtan ülsälär, Ğaysä päyğambär belän tanışaçaqlarına ışandırğan
1978449
Keniyada ber dini sekta belän bäyle tikşerülär qısalarında tabılğan cansız gäwdä sanı 47gä citte. Alarnı açlıqtan ülsälär, Ğaysä päyğambär belän tanışaçaqlarına ışandırğannar.
Yar buyı şähärçege Malindi yänäşäsendäge Şakaxola urmanında qazınular däwam itä häm torğan sayın yaña mäyetlär tabıla.
Keniya matbuğatında yazılğança, “sekta liderı” dip ataluçı häm qulğa alınğan wäğaz’çe Pol Makkenzi Ntenge izolyatorda aşawdan häm su êçüdän baş tartqan. Näq’ menä ul keşelärne açlıqtan ülep Ğaysä päyğambär belän tanışırğa çaqırğan.
Poliśiyä 15nçe aprel’dä açlıqtan ülüe farazlanuçı 4 keşeneñ üle gäwdäsen tapqannan soñ wäğaz’çene qulğa alğan ide.