Sergey Lavrov Venesuêlada

Latin Amerika turı qısalarında Venesuêlağa kitkän Rusiyäneñ tışqı êşlär ministrı Sergey Lavrov däwlät başlığı Nikolas Maduro tarafınnan qabul itelde.

İke il wäkillekläre qatnaşqan söyläşü Maduro liderlığında İlbaşı sarayı Mirafloresta çınğa aştı.

Tvitterda Lavrov belän söyläşüdän töşerelgän räsemnärne urtaqlaşqan Maduro bolay dip yazdı: “Rusiyä Federaŝiyase tışqı êşlär ministrı Sergey Lavrov belän ike yaqlı mönäsäbätlärebezne häm illärebezneñ üseşenä qarağan törle ölkälärdä urtaq xezmättäşlek sxemasın nığıtuçı küñelle söyläşü ütkärdek.”

Rusiyä tışqı êşlär ministrlığınnan yasalğan açıqlawda Lavrovnıñ 17-21 aprel’ könnärendä Braziliya, Venesuêla, Nikaragua häm kubağa räsmi säfär yasayaçağı citkerelgän ide.

Sergey Lavrov Latin Amerika turı qısalarında berençe säfären düşämbe könne Braziliyağa çınğa aşırğan ide.