Êkvatorial’ Gvineyada Marburg virusınıñ 16 oçrağı açıqlanğan
Bu xaqta Bötendön’ya sälamätlek saqlaw oyışması ğomum direktorı Tedros Adanom Gebreisus xäbär itä
Êkvatorial’ Gvineyada Marburg virusınıñ barlığı 16 oçrağı açıqlanğan.
Bötendön’ya sälamätlek saqlaw oyışması ğomum direktorı Tedros Adanom Gebreisus xäbär itkänçä, ildä virus belän zararlanğan keşelär sanı 16ğa, annan ülüçelär sanı 11gä citkän.
İldä berençe Marburg virusı oçrağı 13 nçe fevral’dä terkälgän ide.
“İldä bilgele bulmağan yoqtıru çılbırları bulırğa mömkin, şuña kürä Bötendön’ya sälamätlek saqlaw oyışması barlıq partnyerlarnı uyaw bulırğa öndi. Ekvatorial’ Gvineyada êpidemiya belän köräştä xäzer bik kritik çor. Bu êpidemiyäne tuqtatu öçen xökümät häm cämğıyät’ zur köç quyarğa tiyeş”,- dide Gebreisus matbuğat oçraşuında.
Marburg virusı berençe tapqır 1967 nçe yılda Germaniyäneñ Marburg şähärendäge laboratoriyädä açıqlana.
Virus belän zararlanğan keşelärdä kinät kenä tän qızışu, köçle baş awırtu, qosu, xälsezlek barlıqqa kilä häm küp keşedä 7 kön êçendä simptomnar arta.
Vakśinası yäki maxsus däwalaw ısulı bulmağan Marburg virusınnan ülü däräcäse 23%qan 90%qa qadär üzgärä.
