Sudanda Awrupa Berlege ilçese höcümgä duçar bulğan
Sudandağı bäreleşlärdä häläq buluçılarnıñ sanı 185kä citkän
Berläşkän Millätlär Oyışması ğomum särkätibeneñ Sudan maxsus wäkile Volker Perthes Sudanda armiya häm Operativ yärdäm köçläre arasındağı bäreleşlär arqasında 185 keşeneñ ğomereneñ özelüen, tınıç xalıqtan häm xärbilär arasınnan 1 meñ 800dän kübräk keşeneñ yaralanuın belderde.
Perthes video konferenśiya ısulı belän N’yu-Yorktağı BMO binasındağı jurnalistlarnıñ sorawlarına cawap birde.
Bäreleşlärneñ däwam itüen citkerüçe Perthes Sudan xalqınıñ töp ixtıyacların qanäğätländerüe öçen berniçä säğätlek bik qısqa utnı tuqtatu kileşüen tözülären iskärtep uzdı.
BMO oyışmalarınıñ yärdäm operaśiyälären höcüm astında alıp baruınıñ mömkin bulmawına iğ’tibarnı yünältüçe Perthes personalnıñ öylärennän tışqa çığa almawın äytte.
Perthes, regiondağı qayber illärneñ häm Ğaräp Ligasınıñ aradaşçılıq täq’dim itüenä, läkin xäzerge wazğıyätneñ moña bik uñaylı bulmawına işarät itep: "İke tarafnıñ ta aradaşçılıq yäki tınıçlıq teläge artıq bik kürenmi. İke taraf ta ikençeseneñ birelüen kötä,” – dip bäyäläw yasadı.
BMO İminlek Şurasınıñ yabıq utırışta Sudandağı wazğıyätne tikşerüen citkerüçe Perthes Şuranıñ bäreleşlärdän soñ şunda uq yazma belderü yasawın qanäğätlelek belän qarşılawın iskärtep uzdı.
Şul arada Awrupa Berlege tışqı êlemtälär häm iminlek säyäsäte yuğarı wäkile Josep Borrel’ Sudandağı Awrupa Berlege ilçeseneñ rezidenśiyäsendä höcümgä duçar buluın belderde.
Borrel’ “Twitter” akkauntınnan urtaqlaşqan yazmasında, monıñ Vena konvenśiyasın tupas bozu buluına basım yasap: "Diplomatik qorılmalarnıñ häm personalnıñ iminlege Sudan xakimiyäteneñ töp cawaplılığı häm xalıqara xoquq nigezendä yöklämäse, burıçı,” – dip bilgeläp uzdı.
