Kön’yaq Koreya, AQŞ häm Yaponiya urtaq xärbi künegülär ütkärä

Tön’yaq Koreyanıñ ber-ber artlı yasağan raketa sınawları Koreya yarım utrawında häm tirä-yağında iminlek borçıluların arttırğan bulsa, Kön’yaq Koreya, Amerika Quşma Ştatları häm Yaponiya Könçığış diñgezdä xalıqara sularda urtaq raketa saqlanu künegülärenä başladı.

Kön’yaq Koreya armiyası “Aegis” raketa saqlanu sistemasına iyä xärbi qorablar qatnaşqan künegülärgä Kön’yaq Koreyanıñ “ROKS Yulgok Yi I”, Amerika Quşma Ştatlarınıñ “USS Benfold” häm Yaponiya diñgez üzeñne saqlaw köçläreneñ “JS Atago” êsmineśları belän quşıluın belderde.

Raketa nişannarına qağılışlı küzätü häm bilgeläw êşçänlegen häm küzläw mäğ’lümatläre belän urtaqlaşu prośeduraların üz êçenä alğan xärbi künegülärneñ Tön’yaq Koreyanıñ atom-töş qoral häm raketa yanawına qarşı öç yaqlı iminlek xezmättäşlegen üsterü öçen ütkärelüe citkerelde.

Tön’yaq Koreya uzğan atnada berençe tapqır qatı yağulıqlı qıytğalarara ballistik raketanı sınap qarawın iğ’lan itkän, Tön’yaq Koreya liderı Kim Jong-Un isä “Hwasong-18” raketasınıñ ileneñ strategik tıyıp toruın köçäytäçägen häm atom-töş qarşı höcüm säläten arttıraçağın beldergän ide.

Däwlät matbuğatı da raketanı “xäzergä qadär qamilläşterelgän raketalarnıñ iñ köçlese” dip bäyälägän ide.