Êkvatorial’ Gvineyada Marburg virusı oçraqları arta

Êkvatorial’ Gvineyada Marburg virusınıñ tağın 6 oçrağı açıqlanğan.

Bötendön’ya sälamätlek saqlaw oyışması xäbär itkänçä, ildä virus belän zararlanğan keşelär sanı 15kä, annan ülüçelär sanı 11gä citkän.

Bötendön’ya sälamätlek saqlaw oyışması Êkvatorial’ Gvineyağa xalıqara säyäxätkä häm säwdägä çikläwlär kertüne kiñäş itte.

İldä berençe Marburg virusı oçrağı 13 nçe fevral’dä terkälgän ide.

Marburg virusı berençe tapqır 1967 nçe yılda Germaniyäneñ Marburg şähärendäge laboratoriyädä açıqlana.

Virus belän zararlanğan keşelärdä kinät kenä tän qızışu, köçle baş awırtu, qosu, xälsezlek barlıqqa kilä häm küp keşedä 7 kön êçendä simptomnar arta.

Vakśinası yäki maxsus däwalaw ısulı bulmağan Marburg virusınnan ülü däräcäse 23%qan 90%qa qadär üzgärä.