Guterreşneñ Somali çaqıruı

Räsmi oçraşular ütkärü öçen kitkän Somalidä säfäreneñ ikençe könendä oçraşuların däwam ittergän Guterreş matbuğatqa belderü yasadı.

Somalidä tınıçlıqnı häm totrıqlılıqnı yaqlarğa däwam itäçäklären qabatlawçı Guterreş: "Bügen Somalidän dönyağa çaqıruım anıq: fäläqätne totqarlaw öçen xäzer êş itegez,” – dip äytte.

Guterreş: "Tınıçlıqnı häm iminlekne urnaştıru, daimi üseş häm keşe xoquqlarınıñ buldırıluı belän somalilärneñ kiläçäge öçen bergä cıyılışıyq,” – dip belderde.

BMO bularaq somalilär belän bergä bulularına basım yasawçı Guterreş Somalineñ klimat üzgäreşlärennän iñ küp zıyan kürgän töbäklär arasında buluına iğ’tibarnı yünältte.

Somalidä ozaq yıllar buyı däwam itüçe qorılıq häm iminlek problemaları arqasında yaqınça 6 million keşe "bik kritik däräcädä" azıq-tölek problemasın yäşi.

Xisaplarğa kürä, ildä humanitar yärdäm öçen 2 milliard 600 million dollarğa ixtıyac bulsa, xäzergä qadär monıñ barı tik 15%ı ğına qanäğätländerelä alındı.