İran belän Ärmänstan söyläşüläre

İrannıñ “IRNA” räsmi xäbär agentlığına kürä, Şämxani räsmi oçraşular ütkärü öçen başqala Tähranğa kilgän Grigoryan belän küreşte.

Şämxani ike yaqlı häm regional’ mäs’älälär bäyälängän söyläşü waqıtında, ileneñ tışqı säyäsäteneñ bozılmas nigezlärennän berseneñ kürşelär belän xezmättäşlek häm üzara bäyläneşneñ buluın belderep, İrannıñ regional’ problemalarnıñ kileşü yaqlı ısullar belän xäl itelüe öçen böten taraflarğa "yaxşı kürşelek häm urtaq tırışlıq” täq’dim itüen äytte.

Şämxani regional’ problemalarnı beterü öçen daimi dialogta bulunıñ häm härtörle kisken totışlardan tıyılunıñ zarurlığına basım yasadı.

Tähran belän Yerivan arasındağı iq’tisadi êlemtälärgä tuqtalıp uzuçı Şämxani tön’yaq-kön’yaq transport koridorınıñ ike il arasındağı säwdä mönäsäbätläreneñ arttırıluı öçen perspektiva täq’dim itüen belderde.

Şämxani, Qavqaz töbägeneñ sizger çordan uzuına iğ’tibarnı yünältep, Azärbaycan belän Ärmänstannıñ yäşängän kiyırenkeleklärne saqlıq belän idarä itep xäl itelä alınaçağın ömet itüen iskärtep uzdı.

Ärmänstan Milli iminlek şurası särqatibe Grigoryan da ike il arasındağı êlektr citkerü proyıktı häm Ärmänstan belän Törekmänstan arasındağı gaz almaşuının Tähran-Yerivan mönäsäbätläre cähätennän möhim mäs’älälär buluın äytte.

Grigoryan ike il arasındağı iq’tisad proyıktlarınıñ tormışqa aşırıluınıñ tizländerelüeneñ zarurlığına basım yasadı.