Boz massaları nigä êri?
Tikşerenülär alarnıñ kötelgännän tizräk êri alaçağın kürsätte
Antarktidadağı boz qatlamnarınıñ kötelgännän tizräk êri alaçağı açıqlandı.
Angliyädäge N’yukasl universitetı ğalimnäre global’ diñgez däräcäseneñ kütärelüenä qağılışlı tikşerenü ütkärdelär.
Anıñ näticäläre “Nature” jurnalında dön’ya kürde.
Tikşerenüdä Norvegiyädäge diñgez töbe häm boz qatlamnarı tikşerelde.
Ğalimnär Norvegiya yarındağı boz qatlamnarınıñ könenä 600 metrğa artqa çigenüen açıqladılar.
Tikşerenülär näticäsendä Antarktidadağı boz massalarınıñ könenä 30 metrdan artıq artqa çigenüe bilgele buldı.
Monnan tış tikşerenü şunı kürsätte: klimat üzgäreşe arqasında Antarktidadağı boz qatlamnarı êrü okeannardağı su däräcäsen yaqınça 1 santimetrğa kütärde.
”BBC” gä bu xaqta belderü yasağan Angliyädäge N’yukasl universitetınnan doktor Kristin Batçelor cılılıq artuı şulay däwam itsä okean däräcäläreneñ kütäreläçägen iskärtte.
Ğalimnär boz massaları kötelgännän qısqa waqıt êçendä êrergä mömkin häm êrü bu räweşle däwam itsä okean sularınıñ kütärelüenä zur yoğıntı yasayaçaq dip kisätälär.
