Yaponiya NATO qarşında daimi wäkillek aça
NATO Ğomum särkätibe Yens Stoltenberg Yaponiyanıñ NATOda diplomatik missiya açu qararına kilüen citkerde
Stoltenberg häm Yaponiya tışqı êşlär ministrı Hayaşi Yoşimasa Bel’giya başqalası Bryussel'dä NATO tışqı êşlär ministrları cıyılışınıñ berençe kön utırışlarınnan soñ urtaq matbuğat belderüen yasadı.
Yaponiyanıñ Rusiyäneñ Ukrainada başlatqan suğışnı gäyıpläwen häm NATOnıñ Ukrainağa qarata yärdäm paketına täêmin itkän finans bulışlığın qanäğät bulıp qarşılawın iskärtep uzuçı Stoltenberg: "Bez xäzer Hind-Tın okeanı, Yaponiya, Kön’yaq Koreya, Yaña Zelandiya häm Awstraliyadağı urtaqlarıbız belän xezmättäşlegebezne tizlätäbez,” – dip äytte.
Stoltenberg Yaponiyanıñ NATOda maxsus diplomatik missiya açu qararın qabul itüen dä yuğarı bäyäläde.
Yapon ministrı Hayaşi dä, status-kvonıñ köç qullanıp üzgärtelüe belän bergä atom-töş qoral qullanıluı häm monıñ turında xätta süz quzğatunıñ da qabul itelmäslek buluına basım yasadı.
