İspaniyädä yaqınça 800 meñ keşe operaśiya öçen çirat kötä

İspaniyädä yaqınça 800 meñ keşe operaśiya öçen çirat kötä.

Bu xaqta ilneñ sälamätlek saqlaw ministrlığı xäbär itä.

Ministrlıq mäğ’lümatlarına qarağanda, 2022 nçe yılnıñ dekabrendä 793 meñ 521 keşe operaśiya yasatu öçen xastaxanälärdä çirat kötte, kötüçelär sanı annan êlekke yı belän çağıştırğanda 86 meñ 781 keşegä artqan. Bu isä xäzergä çaqlı açıqlanğan iñ yuğarı kürsätkeç.

İldä operaśiyäne urtaça kötü waqıtı -122 kön.

Bu san 2021 nçe yılnıñ dekabrendä 121 kön, 2022 nçe yılnıñ iyünendä 113 kön bulğan.

Xäzerge waqıtta paśiyentlarnıñ 22%ı kim digändä 6 ay operaśiya kötä.

İñ küp çirat bulğan operaśiyälär plastik xirurgiya (242 kön) häm neyroxirurgiya (203 kön). Tığızlıq kübesençä Kataloniya, Andalusiya, Madrid häm Valensiya töbäklärendä.

Xastalarnıñ 56%ı belgeç tabibqa kürenü öçen 60 könnän artıq kötä.

İspaniyäneñ 17 üzidaräle citäkçelegeneñ kübesendä bik yış êş taşlağan sälamätlek saqlaw sisteması xezmätkärläre xezmät xaqın arttırunı taläp itü belän bergä personal citmäwdän häm êş waqıtı küp buludan zarlana.