"Finlyandiyaneñ NATOğa quşıluı - Rusiyä öçen yanaw"

Kreml’ süzçese Dmitriy Peskov Finlyandiyaneñ NATOğa quşıluınıñ Rusiyä öçen yanaw täşkil itüen belderde.

Peskov Mäskäwdä açıqlaw yasap Finlyandiyaneñ NATOğa äğza buluına tuqtaldı.

“Hiçşiksez, bu - Awrupa qıytğasında totrıqlılıq, iminlek häm küzallawnıñ nığıtıluına öleş kertmäwçe waqıyğa. Bu bezneñ öçen östämä yanaw bulıp tora häm bezne barlıq qurqınıçsızlıq sistemasın qabat tärtipkä salu öçen kiräkle çaralarnı kürergä mäcbür itä. Bu ozın barış bulaçaq läkin qurqınıçsızlığıbıznı täêmin itü öçen kiräkle närsälär başqarılaçaq,” – dide ul.

Finlyandiya NATOğa quşılu öçen Şveŝiya belän bergä 2022 yılnıñ 18 mayında möräcäğat’ itkän ide.

Räsmi proŝeduralar tämamlanğannan soñ Finlyandiya NATO qorıluınıñ 74 yıllığı bulğan 4 aprel’ könne räsmi räweştä ittifaqnıñ äğzase buldı.