Finlyandiya irtägä NATOnıñ äğzase bulıp iğlan iteläçäk
Bu turıda NATO ğomüm särqätibe Yens Stoltenberg belderde
NATO ğomüm särqätibe Yens Stoltenberg irtägä Finlyandiyaneñ 31nçe äğza bulıp iğlan iteläçägen, bayrağınıñ NATO ştabında êlenäçägen belderde.
Stoltenberg Bel’giya başqalası Bryussel’da NATO ştabında 4-5 aprel’ könnärendä uzaçaq NATO Tışqı êşlär ministrları cıyılışınnan alda matbuğat oçraşuı oyıştırdı.
Cıyılışnıñ berençe könendä Finlyandiyaneñ 31nçe äğza bulıp iğlan iteläçägen, bayrağınıñ NATO ştabında êlenäçägen äytkän Stoltenberg monıñ älege ilne tağın da ışanıçlı, İttifaqnı tağın da köçle yasayaçağın assızıqladı.
Stoltenberg Şveŝiyaneñ dä äğzalek barışınıñ ozaqlamıy tämamlanuına ışanuın citkerde.
Uzğan yılnıñ iyun’ ayında oyıştırılğan Madrid oçraşuınnan soñ NATO illäreneñ kübese ike ilneñ äğzalekläre öçen raslaw barışın başlatqan ide.
20 NATO ile iyul’dä, 4 il avgustta, 4 il sentäbr’dä Parlamentlarında raslawnı tämamladı.
Soñğı itep 27 martta Vengriya Parlamentı Finlyandiyaneñ äğzalegen rasladı. Türkiyä Böyek Millät Mäclesendäge raslaw 30 mart könne çıqtı.
Şulay itep Finlyandiyaneñ NATOğa äğzalek barışı ber yıldan qısqa waqıt êçendä tögällänep, İttifaqnıñ 74 yıllıq tarixında iñ tiz barğan äğzalek barışlarınnan berse buldı.
