”Ukrainadağı suğış arqasında xäzergä çaqlı tınıç xalıqtan 8400 keşeneñ ğomere özelde"

Berläşkän Millätlär Oyışmasınıñ Keşe xoquqları yuğarı komissarı Volker Türk BMO Keşe xoquqları şurasınıñ 52 nçe utırışında Ukrainadağı wäzğıyät’ xaqında çığış yasadı.

Ul Rusiyäneñ Ukrainağa qarşı suğışında keşe xoquqların häm xalıqara gumanitar qanunnarnı tupas bozularnıñ şaqqattırğıç ğadätkä äylänüen assızıqladı.

”Ukrainadağı suğış arqasında xäzergä çaqlı tınıç xalıqtan 8 meñ 400 keşeneñ ğomere özelde, 14 meñnän artıq keşe yaralandı” dide Türk.

Volker Türk iñ citdi problemalarnıñ global’ mäğ’nädä yäşäw qıymmäte krizisı belän bäyle buluın, monıñ yaqınça 1,6 milliard keşeneñ tormışına häm yäşäw çığanağına zıyan kiterüen, küp illärneñ totrıqlılığına qurqınıç tudıruın äytte.

Berläşkän Millätlär Oyışmasınıñ Keşe xoquqları yuğarı komissarı Volker Türk Aşlıq koridorı kileşüeneñ global’ azıq - tölek qurqınıçsızlığına yaqlaw kürsätüne däwam itü häm dön’ya külämendä distälärçä million keşe tormışı öçen bik möhim buluın assızıqladı.