Amerika qıytğasında ülgän möhacirlär

Bıyıl Amerika qıytğasın ütärgä mataşuçı 1433 qaçaq ülde.

Xalıqara migraśiya oyışması alarnıñ çüllär, yılğalar häm yıraq cirlärne kiçkändä hälaq buluı açıqlanuın häm älege sannıñ regionda 2014nçe yıldan birle terkälgän iñ yuğarı ülem kürsätkeçe buluın citkerde.

Oyışma beldergänçä, Tön’yaq häm Kön’yaq Amerika arasın ütärgä mataşqanda ğomere özelüçelärneñ sanı tögäl genä bilgele tügel. Yuğalğan möhacirlär proyektı terkäwlärenä qarağanda isä 2014nçe yıldan 2022gä qadär regionda 7 meñ 495 qaçaq hälaq buldı.

Global’ mäğ’lümat institutı bu atnada ğomerlärne qotqaru, mäğ’lümat cıyunı yaxşırtu häm isän qaluçılarnıñ ğailälärenä teläktäşlek maqsatı belän AQŞta Yuğalğan möhacirlär çeltäre xezmäten açaçaq. Ul qaçaqlarnıñ ülemnäre häm yuğaluları belän bäyle mäğ’lümatlarnı cıyu häm almaşu öçen milli häm regional’ mömkinleklärne köçäytü maqsatı quya.

Yuğalğan möhacirlär proyektı mönäsäbätle oyışmalar häm şäxeslärne älege iniśiativağa häm Amerika qıytğasında migrantlar oçraşa torğan awırlıqlarnı kütärü tırışlıqlarına teräk bulırğa çaqırdı.