Qaçaqlar köymäsendäge 29 keşeneñ üle gäwdäse tabıldı

Tunistan İtaliyägä taba yulğa çıqqan köymäneñ batuı näticäsendä ğomere özelgän 29 afrikalı qaçaqnıñ üle gäwdäsen taptılar.

Milli iminlek köçläre süzçese Xisametdin äl-Cäbabli bu xaqta yazmaça belderü yasadı. Ul Mäxdiyädäge diñgez flotına qarawçı törkemnärneñ 25nçe mart tönendä İtaliyägä qaçaq kerergä tırışqan häm köymäläre batu näticäsendä hälaq bulğan 8 keşeneñ mäyeten tabuların, 11 keşene isä qotqaruların citkerde.

Tunis yarlarına 36 diñgez mile yıraqlığındağı ber balıqçı köymäse dä 19 qaçaqnıñ üle gäwdäsen tabıp çığara. Monnan tış, tağın ike balıqçı köymäse 2 mäyetkä yulığa.  

Cäbabli ülgän keşelärneñ barısınıñ da Afrika illärennän buluın belderde.