Protestçılar Luvrğa kertmi

Franśiyä başqalası Parijda mädäniyät tarmağı xezmätkärläre bäxäsle pensiyä reformasına rizasızlıq yözennän Luvr muzeyına kerüne yabıp demonstraśiyä başladı.   

İl matbuğatında urın alğan videolarda mädäniyät xezmätkärläreneñ qullarına hönäri berlek bayraqların totıp muzeynıñ işegaldındağı pıyala häm metalldan yasalğan piramida yanında cıyıluı kürenä. Törkem muzeynıñ işekläre qarşına basıp kerü yulın yapqan. Qullarında “Pensiyä 60 yäş’tä. Küp yäşäw öçen az êşlä”, “Kiregä adım yasamayaçaqbız” dip yazılğan bannerlar.  

Franśiyädä xökümätneñ pensiyä yäşen arttıruçı qanun proyektın tawışqa quymıyça parlamenttan ütkärü qararınnan soñ 16nçı martta demonstraśiyälär başlandı. Anda kisken qarşılıq kürsätüçe poliśiyä belän protestçılar arasında ilneñ şaqtıy urınında bäreleşlär bula.  

Franśiyä külämendä 16nçı marttan birle baruçı rizasızlıq çaralarında meñnän artıq keşe saq astına alındı.

Protestçılarğa poliśiyäneñ nicbätsez köç qullanuına qarata 17 tikşerü êşe açıldı.