“Äş-Şäbab” terror oyışmasına qarşı operaśiyälär
Soñğı 6 ayda oyışmanıñ kim digändä 3 meñ äğ’zası täêsirsez xälgä kiterelgän
Somalida soñğı 6 ayda “Äş-Şäbab” terror oyışmasına qarşı oyıştırılğan operaśiyälärdä oyışmanıñ kim digändä 3 meñ äğ’zası täêsirsez xälgä kiterelgän.
Bu xaqta Somali saqlanu ministrlığı xäbär itä.
Ministrlıq belderüendä äytelgänçä, operaśiyälärdä 70 awıl häm qasaba terror oyışmasınnan çistartılğan, oyışmanıñ yaqınça 3 meñ 700 äğ’zası cäräxätlängän.
”Äş-Şäbab” 2000 nçe yıllar urtasınnan Mogadişoda oyışqan xakimiyätne cimerergä tırışa.
Oyışma şulay uq Somalinıñ kürşese Keniyädä dä waqıt-waqıt terror ğamälläre oyıştıra.
Uzğan yıl Somali ilbaşı itep saylanğan Xäsän Şäyex Mäxmüd oyışmağa qarşı küpqırlı köräş başlatuların beldergän ide.
Bäyläneşle xäbärlär
Kön’yaq Kaliforniyä qabat yanğın riskı aldında
Yanğınğa duçar bulğan Kön’yaq Kaliforniyägä köçle cillär häm yanğın riskı yanıy
