Peruda ğarasat küzätelä

Kön’yaq Amerika ile Peruda Yaku ğarasatı kiterep çığarğan su basularda 65 keşeneñ ğomere özelgän, 5 keşe yuğalğan.

Fäläkättän 66 meñ 853 keşe zıyan kürgän, ğarasat 9 meñ 677 yortqa zıyan salğan, 1 meñ 541 öy qullana almaslıq xälgä kilgän.

Tabiği afät 56 mäktäp, 116 sälamätlek saqlaw üzäge, 239 küper, 640 çaqrım yulğa da zıyan kitergän.

11 meñ gektar igen qırı su astında qalğan, 30 meñ 192 mögezle êre terlek hälaq bulğan.

Xökümät fäläkattän zur zıyan kürgän 8 töbäkneñ 154 rayonında 6 ayğa ğadättän tış xäl iğ’lan itkän.