AQŞ Türkiyägä räxmäten citkerde
Amerika Quşma Ştatları Qara diñgez aşlıq koridorı kileşüeneñ ozaytıluındağı tırışlıqları öçen Türkiyägä häm Berläşkän Millätlär Oyışmasına räxmätle buluların belderde
Aq Yort Milli iminlek şurasınıñ strategik êlemtä koordinatorı Djon Kyorbi köndälek matbuğat oçraşuında jurnalistlarnıñ sorawlarına cawap birde.
Kyorbi, Qara diñgez aşlıq koridorı kileşüeneñ ozaytıluı uñayınnan Türkiyä belän Berläşkän Millätlär Oyışmasına tırışlıqları öçen räxmätle buluların belderep, monıñ näticäsendä atna axırında tonnalap kukuruza töyälgän köymälärneñ suğış arqasında azıq qıtlığın yäşäwçe tübän häm urta keremle illärgä kitä aluına iğ’tibarnı yünältte.
Qıtay Däwlät başlığı Şi Cinpingne Rusiyä İlbaşı Vladimir Putinğa Ukrainadağı höcümnären tuqtatuı öçen basım yasarğa çaqıruların äytüçe Kyorbi Ukraina qarar mexanizmında bulmağan utnı tuqtatunıñ da mömkin bula almayaçağın iskärtep uzdı.
Djon Kyorbi Putinnıñ ileneñ Ukrainada qanunsız räweştä anneksiyälägän Doneśk töbägenä bäyle Mariupol şähärenä yasağan säfärenä dä tuqtalıp uzıp, Mariupolnıñ suğış qırınnan yıraq töbäk buluın, Putinnıñ "alar bombalağan şähärlärgä” barıp, kitergän cäräxätlärne kürüen ömetlänülären äytte.
Rusiyäneñ äle haman Bahmutnı yawlap ala almawın iskärtep uzuçı Kyorbi Amerika Quşma Ştatlarınıñ Ukrainağa 350 million dollar külämendä östämä xärbi kiräk-yaraqlar yärdämen kürsätäçägen belderde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
