Ukraina dön’yanıñ iñ zur öçençe qoral importçısı buldı

Ukraina 2022 yılda dön’yanıñ iñ zur öçençe importçısı buldı.

Stokgol’mdağı Xalıqara tınılıq tikşerenüläre institutınıñ global’ qoral küçerüläre belän bäyle xisabına kürä uzğan yılnıñ 24 fevralendä başlanğan Rusiyä-Ukraina suğışı  Amerika Quşma Ştatları häm Awrupadan Kiyev citäkçelegena möhim miqdarda xärbi yärdämgä yul açtı.

Bu wazğıyät’ Ukrainanı 2022dä dön’yanıñ iñ zur öçençe qoral importçısına äyländerde.

Ukraina 1991dä Sovetlar berlege tarqalğanda bäysezlegen qazandı häm 2021 yılnıñ azağına qadär küp kenä zur qoral importladı. Läkin 24 fevral’ könne başlanğan suğış bu wazğıyät’ne bilgele däräcädä üzgärtte.

Xalıqara tınıçlıq tikşerenüläre institutınıñ Qoral küçerü programması tikşerenüçese Piter Vezeman citkergänçä uzğan yılnı dön’yada qoral küçerüdä kimü küzätelügä qaramastan Rusiyäneñ Ukrainanı yawlaw kereşüennän soñ Awrupa illäre kübräk häm tizräk qoral importlarğa teläde.

İnstitut beldergänçä AQŞ häm Rusiyä soñğı 30 yılnıñ iñ zur qoral êksportçısı bulıp tora.

AQŞnıñ qoral êksportı 2013-2017 häm 2018-2022 çorlarında 14%ka arttı häm 2018-2022dä dön’yaküläm qoral êsportınıñ 40%ın Vaşington citäkelege başqardı.

Rusiyäneñ qoral êksportı bu ike çor arasında 31%ka kimede, dön’yadağı qoral êksportındağı payı da 22%tan 16%ka töşte.

Franŝiyaneñ payı isä 7,1%tan 11%ka üste.