Ukrainada ênergiya qorılmalarına höcüm
Rusiyä tönlä Ukrainanıñ ênergiya asqorımasına varvarlarça höcüm oyıştırdı
Ukrainanıñ Ênergetika ministrlığı Rusiyäneñ bügen tönlä Ukrainanıñ 7 töbägendäge ênergiya qorılmalarına höcüm itüen citkerde.
Ministrlıktan yasalğan yazma açıqlawğa kürä bügen tönlä Rusiyä Ukrainanıñ ênergiya asqorımasına varvarlarça höcüm oyıştırdı.
Açıqlawda bolay diyelä: “Höcümnär näticäsendä Zaporoj’ye Atom-töş stanŝiyaseneñ möhim liniyase zıyan kürde. Xäzerge waqıtta stanŝiya dizel’ generatorlar yärdämendä êşli.”
Ruslarnıñ dön’yanı atom-töş fäläkätenä êtärüe urın alğan açıqlawda bu höcümnärneñ Berläşkän Millätlär Oyışması belän Zaporoj’ye Atom-töş stanŝiyaseneñ ğaskärilärdän arındırıluı söyläşülärennän soñğı könne oyıştırıluına iğtibar cälep itelde.
Açıqlawğa kürä 9 martta cirle waqıt belän 06.30da Kiyev, Nikolayev, Xar’kov, Zaporoj’ye, Odessa, Dnepropetrovsk häm Jitomir töbäkläreneñ ênergiya qorılmalarına höcümnär buldı.