Bangladeşta şartlaw

Kiçä Bangladeş başqalası Dakkadağı şartlawda 19 keşeneñ ğomere özelgän.

”CNN” xäbärenä qarağanda, poliśiya wäqalätlese Maxid Uddin Xondekar Gulistan töbgendä 7 qatlı binadağı şartlawnıñ säbäbe älegä bilgele bulmawın, şulay da gaz cıyılu säbäple bulırğa mömkin dip beldergän.

Xondekar bilgeläp ütkänçä, yanğın sünderü häm qotqaru êşläre tämamlanğaç ülüçelär sanı häm zıyan tögäl bilgele bulaçaq.

Xondekar şartlaw waqıtında binada küp keşe bulmawın iskärtä häm waqıyğada ğomeren yuğaltqan keşelär sanınıñ 19 buluın äytä.

Bina xäräkät küp bulğan uramda urnaşqanğa kürä şatlawdan cäyäwlelär dä zyan kürgän.

Şartlawda yaqınça 100 keşe cäräxätlänä, alarnıñ 22 se xastaxanädä däwalana.

Şartlaw küp ofislar häm kibetlär urnaşqan binanıñ berençe qatında çistartu äyberläre satuçı êş urınında bula.