Äsirlär belän almaşu näticäsendä 220 xärbi azat itelgän

Rusiya belän Ukraina arasında totqın almaşu näticäsendä barlığı 220 keşe azat itelgän.

Rusiya saqlanu ministrlığı belderüendä äytelgänçä, Kiyev xakimiyäte kontrolendäge territoriyädän êlek äsirlekkä êläkkän 90 xärbi xezmätkär kire qaytarılğan.

Azat itelgän xärbilär Rusiya hawa köçläre oçqıçı belän Mäskäwgä däwalanu häm ternäkländerü ütü öçen kitereläçäk. Alarğa psixologilk häm mediśina yärdäme dä kürsätelgän.

Ukraina ilbaşı idaräse ofisı başlığı Andrey Yermak "Telegram" akkauntındağı belderüendä “Bez 130 ğaskäriyebezne kire qaytara aldıq. Şularnıñ 4 e xatın - qızlar,” - dip citkerde.

”Bügen bez alıp qaytqan keşelärneñ kübese awır cäräxätlär alğan. İlbaşıbız Zelenskiy äytkänçä, däwlät alarnıñ härberse turında qayğırtırğa tiyeş. Qaharmannar däwlätneñ qayğırtuın sizärgä tiyeş,” - dip belderä Yermak.