BMOda biologik törlelekne saqlaw kileşüe tözelde
Anıñ öçen 20 yılğa yaqın êşçänleklär häm söyläşülär alıp barıldı
Berläşkän Millätlär oyışmasında açıq diñgezlärdä biologik törlelekne saqlaw öçen yıllar buyı barğan söyläşülärdän soñ kileşü tözelde. Bu - Amerika Quşma Ştatlarınıñ N’yu-York şähärendä xökümätlärarası konferenśiyäneñ 2 atnağa suzılğan 5nçe utırışınnan soñ BMO binasında soñğı 2 köndä yaqınça 40 säğat’ däwam itkän özleksez söyläşülär näticäse.
Kileşü öçen 20 yılğa yaqın êşçänleklär alıp barıldı. Ul illärneñ milli dingez wäqaläte alannarı tışındağı biologik törlelekne saqlawnı maqsat itep quya. Diñgezlärneñ yaqınça öçtän ikesen alıp toruçı mäydanğa klimat üzgärü, çiktän tış küp balıq totu häm yök taşu xäräkäte şikelle problemalar tiskäre täêsir yasıy.
Kileşü bu alannarda balıqçılıq êşçänleklären çikli, şulay uq, dingez minaları, transport yulları häm tikşerenülärgä dä tözätmälär kertä.
BMOda kileşüneñ räsmi bularaq qabul itelüe kötelä. Şunnan soñ ul imzağa täq’dim iteläçäk. Monda BMO däwlätläre anı yaqlarğamı-yuqmı ikänen qarayaçaq.
