Soğud Ğaräbstanı Ukrainağa qabat yärdäm cibärde
İke yök oçqıçı belän Ukrainağa 168 tonna yärdäm cibärelde
1954638
Soğud Ğaräbstanı ike yök oçqıçı belän Ukrainağa 168 tonna yärdäm cibärde.
Soğud Ğaräbstanınıñ räsmi agentlığı bulğan SPA beldergänçä Ukraina xalqına yärdäm taşuçı 2 oçqıç Riyadtağı Patşa Xalit isemendäge xalıqara aêroportınnan Pol’şağa yul tottı.
Oçqıçlar Pol’şanıñ Ukraina çigenä yaqın urnaşqan Rzeszow-Jasionka aêroportına töşep utıraçaq.
168 tonnalıq yärdäm sälamätlek saqlaw häm sıyınu urını materialları belän generatorlardan tora.
Xäbärdä Soğud Ğaräbstanınıñ Ukrainağa 400 milion dollarlık yärdäm paketı öçen uzğan atnada 2 kileşüneñ imzalanuı xäterlätelä.
Soğud Ğaräbstanı monnan alda da Pol’şa häm qalğan kürşe illärgä sıyınğan Ukraina xalqına 10 million dollarlık yärdäm kürsätkän ide.
