Şol’ś Latviya Baş ministrı belän küreşte

Şol’ś Latviya Baş ministrı Krisjanis Karins belän Berlinda ütkärgän söyläşüdän soñ urtaq matbuğat oçraşuın oyıştırdı.

Söyläşü waqıtında NATOnıñ könçığış öleşendäge iminlek torışın qarap çığuların citkerüçe Şol’ś xäzerge wazğıyättä Awrupalı urtaqlar arasında berlek-berdämlek, teläktäşlek-yärdämläşü häm urtaq xäräkät itüneñ möhimlegenä işarät itte.

Şol’ś: "Bez Awrupa Berlegendä häm NATOda ber-berebezneñ qurqınıçsızlığı öçen cawaplılıqnı üz östenä alabız. Şuña kürä xezmättäşlegebezne köçäytü mantıyqlı häm ähämiyätle,” – dip äytte.

Ukrainanıñ Rusiyägä qarşı batırlarça häm qıyu räweştä köräş alıp baruına basım yasawçı Şol’ś uñışlı buluı öçen Awrupanıñ transatlantik urtaqlar belän Ukrainanı yaqlawın, bu yärdämneñ kiräk bulğança däwam itäçägen qabatladı.

Şol’ś Ukrainanıñ söyläşülärne qabul itüe öçen nindi adımnarnıñ yasaluı zarurlığı belän bäyle sorawğa: "Rusiyä Ukrainağa höcüm itte. Rusiyä - tınıçlıqnıñ mömkin bula aluı öçen adım yasawı, närsäder êşläwe zarur il. Kiräkle bulğan närsä – xärbilärneñ kire çigenüe,” – dip cawap birde.

NATO cirlären saqlaw garantiyasın birüçe Şol’ś: "Ber höcüm oçrağında NATO cirläreneñ här öleşen bergä saqlaw mäs’äläsendä berlektäşlär bularaq urtaq fikerdä bez,” – dide.

Şol’ś monıñ Baltıyq illärenä häm Pol’şağa möhim yullama buluın iskärtep uzdı.

Latviya Baş ministrı Karins ta Germaniyanıñ Ukrainağa kürsätkän yärdämeneñ möhim buluın belderep: "Latviya cähätennän Germaniyanıñ yaqlawı Ukrainanıñ isän qaluı öçen töp ähämiyätkä iyä,” – dip äytte.

Karins, Ukrainağa yärdämneñ däwam itelüeneñ zarurlığına basım yasap: "Ukrainanı yaqlawnıñ däwam itü qatğıylığında Amerika Quşma Ştatları, Germaniya, Awrupa Berlege yäki NATO ittifaqında fiker ayırımlılıqlarınıñ buluına qağılışlı işarät yuq,” – dip belderde.