Antarktikada boz küläme rekord däräcädä az

Antarktikadağı dingez bozı 1,79 million kvadrat kilometr mäydanda ğına qaldı. Bu rekord däräcädä az.

Amerika Quşma Ştatlarınıñ Kolorado universitetı qar häm boz turında mäğ’lümat üzäge 21nçe fevral’dä uzdırılğan ülçäwlärdän soñ Antarktikadağı dingez bozınıñ mäydanı bik nıq kimüen citkerde.

Bu 45 yıl buyı terkälep barğan yasalma iyärçen kürsätkeçlärenä qarağanda, iñ tübän däräcä.   

Monnan aldağı rekord - axırğı ülçämnärdän 136 meñ kvadrat kilometrğa artığraq ide.  Ğalimnär sezon axırında tağın da kübräk êrü bulaçağın, şul säbäple citkertelgän kürsätkeçlärneñ axırğısı bulmawın äytte.