Oman häm Soğud Ğaräbstanı östendä İzrail oçqıçı

İzrail tışqı êşlär ministrlığınıñ sośial’ mediadağı “Ğaräpçä İzrail” akkauntınnan urtaqlaşılğan yazmasında İzrail hawa yulı şirkäte “Äl Al”nıñ Yıraq Könçığışqa yasağan säfär öçen Soğud Ğäräbstanı belän Oman hawa kiñlegen qullanuı belderelde.

Belderüdä berençe tapqır yasalğan bu oçışnıñ Muskat citäkçelegeneñ uzğan atnada hawa kiñlegen İzrail grajdan aviaśiyasına açaçağın iğ’lan itüennän soñ mömkin buluı iskärtelep uzıldı.

Yaña marşrutnıñ Tayland başqalası Bangkokqa başqarılaçaq reysnıñ waqıtın ike säğät yarımğa qısqartuına iğ’tibar yünältelde.

İzrail tışqı êşlär ministrı Êli Koên 23nçe fevral’da yasağan belderüendä, Omannıñ hawa kiñlegen açu qararın qanäğätlelek belän qarşılap: "Aziyağa yulnı qısqartaçaq, İzrail watandaşlarınıñ çığımnarın azaytaçaq häm İzrail hawa yolu şirkätläreneñ tağın da köndäşçel buluın täêmin itäçäk adım yasaldı,” – dip äytkän ide.

Soğud Ğaräbstanınnan soñ Omannıñ da hawa kiñlegen İzrail aviakompaniyälärenä açuı belän İzraildän Aziyağa baru häm qaytu säfärlärendä waqıtnıñ 2 säğättän tağın da kübräk qısqaraçağı, bilet bäyäläreneñ dä töşäçäge iskärtelep uzıldı.