Denge bizgäge taralu arqasında ğadättän tış xäl kertelde
Peruda çirneñ taraluı borçu tudıruçı däräcägä citte
Kön’yaq Amerikadağı däwlät Peruda denge bizgäge oçraqları artu säbäple 13 regionda ğadättän tış xäl iğ’lan itelde. Bu xaqta ilneñ matbuğatında çıqqan xäbärlärdä yazıla.
Xökümät tön’yaq, üzäk häm kön’yaq-könçığış töbäklärdä 90 könlek ğadättän tış xäl kertä.
Peru yoğışlı awırularnı kisätü häm kontrol’dä totu üzäge yıl başınnan birle ildä 11 meñ 858 denge bizgäge oçrağı kürelüen, anıñ arqasında 16 keşeneñ ğomere özelüen citkerde.
Sälamätlek saqlaw ministrlığı 2022nçe yılnın şul uq çorında isä 6 meñ 741 oçraqnıñ terkälüen, tik bıyılğı kürsätkeçlärneñ borçu tudıruçı däräcägä citüen belderde. Yoqtıru oçraqları tağın da artsa, çirneñ 10 million keşe yäşi torğan Lima şähärendä taralu qurtqınıçı bar.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar