Sisi - Zelenskiy söyläşüe uzdı
Misır däwlät başlığı belän Ukraina liderı telefonnan söyläşte
Misır däwlät başlığı Abdulfettah es-Sisi belän Ukraina däwlät başlığı Volodimir Zelenskiy Ukrainada barlıqqa kilgän soñğı täraqqıyät’lärne häm global’ azıq-tölek qurqınıçsızlığındağı krizisnı qaradı.
Misır İlbaşı idaräsennän yasalğan yazma açıqlawğa kürä Sisi Zelenskiy belän telefonnan söyläşte.
Söyläşüdä Ukraina mäs’äläse belän dön’yaküläm azıq-tölek qurqınıçsızlığındağı täraqqıyät’lär quzğatıldı.
Sisi dialog häm diplomatik çişeleşkä östenlek birü zarurlığına basım yasadı, söyläşülär yärdämendä ber yıl däwam itüçe Rusiyä-Ukraina krizisınıñ säyäsi çişeleşen tizlätäçäk barlıq tırışlıqlarğa xuplawnıñ kürsäteläçägen açıqladı.
Afrika illäre belän ber rättän dön’yadağı küp kenä xalıqnıñ azıq-tölek krizisı arqasında qıyınlıqlar kiçerüenä tuqtalğan ike lider aşlıq êksportı kileşüeneñ ozınaytıluı öçen däwam itüçe tırışlıqlarnı söyläşte.
Yıllıq boday ixtıyacınıñ 80%ın importlawçı Misır dön’yada iñ küp boday importlawçı il bulıp tora.