İranda häm Livanda cir teträgän

İrannıñ kön’yaq-könbatışındağı Fars ustanında cirle waqıt belän 4 säğat’ 41 minutta 5,5 ball zurlığında cir teträw bulğan.

İran milli seysmologiya üzäge mäğ’lümatlarına qarağanda, zilziläneñ êpiśentrı - Fars ustanınıñ Dorz awılı.

Tirbäleş cir östennän 11 çaqrım tiränlektä terkälgän.

Fars ustanınıñ “Qızılay” direktorı Xösäyen Därvişi berençe mäğ’lümatlarğa qarağanda ülem - kitem bulmawın, zıyannı bäyäläw êşläreneñ däwam itüen belderde.

Dorz awılında kiçä dä 5,2 ball zurlığında cir teträw bulğan ide.

Livannıñ kön’yaq territorial’ sularında da cirle waqıt belän 08 säğat’tä 4,3 ball zulığında cir teträw barlıqqa kilde.

Livan milli geofizika departamentı beldergänçä, êpiśentrı  Urta diñgezdä Sayda şähärennän 61 çaqrım yıraqlıqta bulğan zilzilä 61 çaqrım tiränlektä terkälgän.

Tirbäleş Livannıñ kön’yağındağı yär buyı şähärlärendä, Fälästin belän İzrail’dä dä sizelgän.

Tirbäleştän ülem-kitem häm matdi zıyan bulmağan.