Braziliyädä cir ubılu häm su basularda ülüçelär sanı 46ğa citte
Köçle yawım-töşemneñ däwam itäçäge citkerelä häm watandaşlarnı iğ’tibarlı bulırğa çaqıralar
Braziliyäneñ San-Paulu töbägendä köcle yawım-töşem kiterep çığarğan su basu häm cir şuışularda ülüçelärneñ sanı 46ğa citte. Töbäk wäqalätleläre beldergänçä, tağın 40 keşe yuqqa çıqqan sanala. Êzläw-qotqaru êşläre özleksez däwam itä.
San-Paulu sälamätlek saqlaw departamentı xastaxanädäge keşelärneñ 7 seneñ xäle awır buluın belderä.
Köçle yawım-töşemneñ däwam itäçäge citkerelä häm watandaşlarnı iğ’tibarlı bulırğa çaqıralar.
Yaqınça 2 meñ 500 keşene mäktäp häm ictimağıy oyışmalarğa urnaştırğannar.
Braziliya ilbaşı Luis İnasiu Lula da Silva, Twitter aşa yasağan belderüendä, hälakät töbägenä baraçağın äytte.
“Däwlätneñ barlıq berlekläre belän oçraşaçaqbız häm sośial’ berdämlek belän yaralılarnı qayğırtaçaqbız. Yuğaluçılarnı êzläyäçäkbez häm töbäktäge yullarnı, ênergetika häm kommunikaśiyä êlemtälären êlekkege xälenä kiteräçäkbez,”-dide ul.
Venesuêla tışqı êşlär ministrı İvan Xil’ su basu häm cir ubıluda ülüçelär nisbätennän Braziliyä xökümäteneñ qayğısın urtaqlaştı.
“Nikolas Maduro xökümäte isemennän qorbannarnıñ ğailälärenä tiränten täğ’ziyälärebezne belderäbez. Braziliyä xökümätenä teläktäşlegebezne citkerergä telibez” diyelä Twitterdağı yazmada.
