Armiyägä qarata terrorçı höcüme

Burkina-Fasoda armiyägä qarşı oyıştırılğan terrorçı höcümendä 51 ğaskärineñ ğomere özelde.

Armiyädän yasalğan belderügä qarağanda, Saxel töbägendäge Oudalan rayonında urnaşqan ğaskärlärgä qarata terrorçı höcüme oyıştırıla. Näticädä çıqqan bäreleştä 60 terrorçı täêsirsez xälgä kiterelä. Tik anda 51 ğaskärineñ dä ğomere özelä.

Kürşe däwlät Malidağı Äl Kaida häm DEAŞ belän bäyläneşle terrorçı törkemnär 2015nçe yıldan birle Burkina-Fasonıñ tön’yağında häm könçığışında bik yış höcümnär oyıştıra.

Xökümät mäğ’lümatlarına qarağanda, älege höcümnärdä 2015nçe yıldan 2021nçe yılnıñ dekabrenä qadär 2 meñ keşe hälaq bulğan. Alarnıñ 600e iminlek köçläre.