İndoneziyada cirteträw

Amerika Quşma Ştatları geologik tikşerenülär üzäge Papuanıñ tön’yaq yar buylarındağı Jayapurada 5,1 zurlığında cirteträw buluın belderde.

Cirneñ 22 kilometr tiränlegendä barlıqqa kilgän zilzilädä "yözüçe restoran"nıñ diñgezgä äylänep töşüe näticäsendä 4 keşe ülgän.

Töbäktäge qayber binalarda häm sälamätlek saqlaw qorılmalarında isä zıyan kilgän.

İndoneziyanıñ Açe töbägendä 2004nçe yıldağı cirteträwdän soñ yaqınça 170 meñ keşeneñ ğomere özelgän ide.

2018nçe yılnıñ 28nçe sentyabr’ könne isä Sulawesi utrawındağı Palu qultığında barlıqqa kilgän 7,5 zurlığındağı cirteträw häm annan soñ barlıqqa kilgän śunami Donggala, Palu, Sigi töbäklärenä täêsir itkän, 4 meñ 340 keşe häläq bulğan ide.

İndoneziyanıñ Könbatış Cava vilayätenä bäyle Ciranjang şähäreneñ 18 çaqrım kön’yaq-könbatışında 2022nçe yılnıñ 21nçe noyabr’ könne barlıqqa kilgän 5,6 zurlığındağı cirteträwdä isä 331 keşeneñ ğomere özelgän häm yaqınça 600 keşe yaralanğan ide.

"Tın okeanı ut bocrası” dip yörtelgän zilzilä häm vulkan poyasında urnaşqan İndoneziya dönyada tabiğıy afätlärdän iñ küp täêsirlängän illärneñ başında tora.