Süriyädä cir teträwdä ülüçelärneñ sanı 2802gä citte

6nçı fevral’dä Türkiyäneñ Kaxramanmaraş töbägendä bulğan 7,7 häm 7,6 ball zurlığındağı cir teträwlärdä Süriyäneñ törle urınnarında ülüçelärneñ sanı 2 meñ 802gä, yaralanuçılar isä 5035kä citte.

Zilzilädän zarar kürgän İdlib, Xaläp, Xama, Lazkiyä häm Tartusta êzläw-qotqaru êşçänlekläre däwam itä.

Äsäd rejimınıñ xäbär agentlığı SANA citkergänçä, cir teträwdä Xaläp, Lazkiyä, Xama häm Tartus töbäkläreneñ rejim kontrolendäge rayonnarında 1262 keşeneñ ğomere özelde, 2 meñ 285 keşe yaralandı.

Süriyäneñ tön’yağında oppoziśiyäneñ kontrolendäge cirleklärdä dä bik küp sanda bina cimerelde yäisä zarar kürde. Anda kimendä 1540 keşeneñ ülüen, 2 meñ 750dän artığınıñ yaralanuın belderälär.

Oppoziśiyä kontrolendäge töbäklärdä baruçı êzläw-qotqaru êşçänleklärendä Süriyä milli armiyäse äğ’zaları da qatnaşa.