Süriyädä cir teträwdä kimendä 1602 keşe ülgän

Märkäze Türkiyäneñ Kaxramanmaraş töbägendä bulğan 7,7 häm 7,6 ball zurlığındağı cir teträwlärdä Süriyäneñ törle cirleklärendä kimendä 1602 keşeneñ ğomere özelgän, 3 meñ 649dan artığı yaralanğan.

Zilzilä Süriyäneñ İdlib, Xaläp (Aleppo), Xama, Lazkiyä, Tartus häm Rakka rayonnarında köçle sizelde. Anda afättä zur cimerelülär buldı.

Äsäd rejimınıñ xäbär agentlığı SANA citkergänçä, cir teträwdä Xaläp, Lazkiyä, Xama häm Tartusnıñ rejim kontrolendäge öleşlärendä 812 keşeneñ ğomere özelgän, 1449 keşe yaralanğan.

İlneñ tön’yağında oppoziśiyäneñ kontrolendäge cirleklärdä dä bik küp bina cimerelgän yäisä zarar kürgän.

Süriyä keşe xoquqları çeltäre, “Aq beretlar” grajdanlı saqlanu berläşmäse, cirle wäqalätlelär, sälamätlek saqlaw oyışmaları häm başqa çığanaqlardan alınğan mäğ’lümatlarğa qarağanda, İdlib belän “Färat qalqanı” häm “Zäytün botağı xäräkäte” töbäkläre, oppoziśiyä yäşi torğan urınnarda kimendä 790 keşe ülgän, 2 meñ 200dän artığı yaralanğan.

Êzläw-qotqaru êşçänlekläre däwam itä.