M'yanmada ğadättän tış xäl ozınaytılğan

M’yanmada xärbi idarä ildäge ğadättän tış xälne tağın 6 ayğa ozaytqan.

2021 nçe yılnıñ 1 nçe fevralendäge tüntäreleştän soñ iğ’lan itelgän ğadättän tış xälne 6 ayğa ozaytu qararına kilengän.

Amerika Quşma Ştatları isä qararğa reakśiya belderde.

AQŞ däwlät departamentı süzçese Ned Prays bu xaqta yazma belderü yasadı.

”AQŞ M’yanma xärbi rejimınıñ ğadättän tış xälne ozaytuğa, armiyäneñ qanunsız idarä itüenä häm ilgä kitergän ğazapların ozaytu qararına qarşı” diyelä anda.

Prays äytüençä, alar 1 nçe fevral’ tüntäreleşeneñ 3 yıllığında M’yanma xalqına yärdämnärne däwam itäçäklär.

M’yanma armiyäse 2020 nçe yılğı ğomumi saylawlarda xärämläşü bulu däğ’waları häm säyäsi kiyerenkelek artqannan soñ 2021 nçe yılnıñ 1 nçe fevralendä xakimiyätne üz qulına aldı.

M’yanma armiyäseneñ tüntäreleşkä qarşı protestçılarğa häm ğıys’yançı törkemnärgä qorallı qatışuı näticäsendä 1900 dän artıq keşeneñ ğomere özede.

Tüntäreleştän soñ yaqınça 13 meñ keşe qulğa alındı, 10 meñnän artıq keşe haman da törmälärdä utıra.

M’yanma xärbi mäxkämäläre 114 säyäsi totqın, şul isäptän 2 bala, öçen ülem cäzası birde