Djo Baydennıñ öyendä tentü buldı

Amerika Quşma Ştatlarında Federal’ tikşerü byrosı FBİnıñ ilbaşı Djo Baydennıñ Delavêrdağı torağında yasağan tentü näticäsendä “yäşeren dokument” tabılmawın citkerelde.

Djo Baydennıñ advokatı Bob Bauêr yazmaça belderüendä tentüneñ cirle waqıt belän säğat’ 08.30dan töşkä qadär däwam itüen äytä. Ul yustiśiyä ministrlığınıñ Baydennıñ ilbaşı urınbasarı çorınnan qaluı añlaşılğan häm quldan yazılğan qayber qäğaz’lärne centekläp tikşerü öçen aluın belderde.

Djo Baydennıñ kiñäşçese Riçard Zauber 9nçı ğıynvarda yasağan belderüendä ilbaşınıñ Penn Bayden üzägendäge şäxsi ofisında 2nçe noyabr’dä viśe-prezident wazıyfası çorınnan qalğan “yäşeren mäğ’lümatlarğa iyä bik az sanda dokument” tabıluın citkergän ide.

22nçe ğıynvarda anıñ Delavêrdağı torağınıñ garajında tağın berniçä “yäşeren dokument” tabıluı açıqlandı.

Bayden ofisınnan yäşeren dokumentlar tabıluına aptırawın häm alarnıñ êçtälegen belmäwen äytte.

Yustiśiyä ministrlığı älege dokumentlarnı tikşerü öçen maxsus wäqalätle prokuror bilgeläde.