Terrorçılar 55 yäşüsmerne urladı

Separatist terrorçı oyışma PKK/YPG Süriyäneñ Xasäkä töbägendä basıp alğan cirleklärdän soñğı 3 köndä 55 ğaräp yäşüsmeren mäcbüri räweştä qorallı rätlärenä kertte.

Terrorçılar awılğa kerä torğan urınnar häm rayonnarda yul kontrole noqtaları buldıra. Cirle çığanaqlardan alınğan mäğ’lümatlarğa qarağanda, älege noqtalarda Xasäkäneñ İskändärun, Cäzaa, Mustafaviyyä, Kaxurtä häm Tel-Aver awıllarınnan - 38, Tel-Koçär häm Cävaddiyä bistälärendäge bazar urınnarınnan 17 yäşüsmerne alıp kitkännär.

Soñğı 3 köndä genä urlanğan 55 keşene Xasäkägä bäyle Malikiylä rayonındağı cıyu häm öyrätü lagerenä iltälär.

Separatistlar soñğı 1 atnada Xasäkä häm Xaläp töbäklärendä basıp alğan cirleklärdä 108 yäş’ keşene alıp kitä.

Şulay itep 25nçe ğıynvardan birle kimendä 163 keşene mäcbüri räweştä qorallı köçlärenä quştılar.

Münbiç rayonında säwdägärlär yäş’lärne alıp kitep qullarına qoral tottıruçı separatist terrorçı oyışma PKK/YPGgä protest belderü öçen 26nçı ğıynvarda kibet işeklären yapqan ide.

Terrorçılar basıp alğan Rakka häm Däyrizor töbäklärendä dä oxşaş ğamällär qıla.