Kön’yaq Afrikada xökümät milli afät torışı iğ’lan itärgä äzerlänä

Kön’yaq Afrika Cömhüriyätendä xökümät êlektr krizisı arqasında milli afät torışı iğ’lan itärgä äzerlänä.

İlbaşı Kirill Ramafosa xakimiyättäge “Afrika milli kongressı“ partiyäseneñ milli başqarma komitetı cıyılışınnan soñ yasağan çığışında partiya äğ’zalarınıñ Kön’yaq Afrikadağı ênergiya krizisı arqasında milli afät torışı iğ’lan itü öçen urtaq fikergä kilülären citkerde.

Ramafosa xökümätneñ ğadäti şartlarda 18-24 ay êçendä çişärgä planlaştırğan krizisnı tizräk xäl itü öçen milli afät iğ’lan itü çaqıruın xuplawın äytte.

Afrikada êlektr belän täêmin itü mömkinlege iñ yuğarı bulğan Kön’yaq Afrika soñğı aylarda asqormanıñ iskerüe arqasında könenä 12 säğat’kä qadär êlektr özelü säbäple citdi êlektr krizisı kiçerä.

Bu özekleklär qıytğanıñ iñ zur êkonomikalarınnan berse bulğan Kön’yaq Afrika iq’tisadın qaqşatunı däwam itä, şulay uq 1994 nçe yıldan birle xakimiyätta bulğan “Afrika milli kongressı “partiyäseneñ populyarlığın kimetügä kiterä.

Atom –töş ênergiyäse citeşterüçe Kön’yaq Afrika êlektr citeşterüneñ 80%tan artığın kümer yağuçı êlektr stanśiyälärennän ala.

 İl dön’yadağı iñ tanılğan kümer citeşterüçelär arasında.