Franśiyädä yortsızlar sanı artqan
Alarnıñ sanı 330 meñgä citkän
Franśiyädä öy arendaları artu arqasında toraq problemaları bulğan keşelär sanı 4 millionnan artqan, yortsızlar sanı 330 meñgä citkän.
Bu xaqta Franśiyädä urnaşqan “Abbe Pierre” waqıfınıñ 2022 nçe yılda ildäge toraq problemaları turındağı xisabında citkerelä.
Xisaptan kürengänçä, Franśiyädä yortsızlar sanı 330 meñgä citkän, bu kürsätkeç 10 yıl êçendä 130%qa artqan.
Alarnıñ 200 meñe aşığıç qalu urınnarında, 110 meñe waqıtlıça sıyınu üzäklärendä qala, 27 meñe uramda, metroda, çatırlarda yäki maşinalarda yoqlarğa mäcbür.
Franśiyädä arenda häm kommunal’ xezmätlär öçen tüli almawçılar sanı 12 millionnan artqan.
İldä 2022 nçe yılda barlıq äyberlärdä, ayıruçe ênergiyädä, soñğı 30 yılda kürelmägän bäyälär arttı.
Waqıfnıñ uzğan yılğı xisabında da Franśiyädä yortsızlar häm tiskäre toraq şartlarına duçar buluçılar sanınıñ artuı häm Makron çorındağı säyäsätneñ citärlek bulmawı äytelgän ide.
