Vengriyä säyäsätçese Qor’änneñ yandırıluın tänqıyt'läde
"Başqa dinneñ izge kitabın yandırunı “süz irege” diyü, ğafu itegez, mäğ’näsezlek,"-dide Peter Siyyarto
Vengriyä tışqı êşlär häm tışqı säwdä ministrı Peter Siyyarto başqa dinneñ izge kitabın yandıru häm anı mısqıllawnıñ berniçek tä qabul itelmäyäçägen söyläde. Räsmi zat Şveśiyädä çiktän tış uñçı säyäsätçe Rasmus Paludannıñ Türkiyäneñ Stokgol’mdağı ilçelege qarşında Qor’än-i Kärimne yandıruına reakśiyä belderde.
Siyyarto teläsä-qaysı dingä qarawçı izge kitaplarnıñ yäisä simvollarnıñ yandırıluına häm mısqıllanuına nıqlı räweştä qarşı çığuların belderde.
“Min xristian bularaq, dindar katolik xristian bularaq äytäm: başqa ışanunıñ izge kitabın yandıru häm anı mısqıllaw berniçek tä qabul itelä almıy. Başqa dinneñ izge kitabın yandırunı “süz irege” diyü, ğafu itegez, mäğ’näsezlek. Ägär ber däwlät NATOğa kerergä teläsä häm Türkiyäneñ dä teläktäşlegenä ireşmäkçe bulsa, ul waqıtta tağın da iğ’tibarlı buluı kiräk,”-dide Peter Siyyarto.
