Äfganstanda tuñıp ülüçelär sanı artqan

Äfganstanda soñğı 2 atnada naçar hawa torışı arqasında tuñıp ülüçelär sanı 157 gä citkän.

İldäge hawa temperaturası başqala Qabulda tönlä -10 gradusqa, ä qayber töbäklärdä -30 gradusqa qadär töşkän.

Taliban waqıtlıça xökümäteneñ Tabiği afätlärdän cawaplı ministrlıq süzçese Şafiullah Raximi ildä 157 keşeneñ tuñıp ülüen, iñ küp ülemneñ Gor, Badaxşan, Paktika häm Paktiya töbäklärendä buluın beldergän.

Raximi naçar hawa torışı arqasında 75 meñnän artıq mögezle êre terlekneñ hälaq buluın citkergän.

Äfganstan meteorologiya oyışması beldergänçä, bıyıl hawa temperaturası uzğan yıl belän çağıştırğanda ike tapqır salqınraq.