Franŝiyadä qabat êş taşlağannar

Franŝiya başqalası Parij tağın suğış mäydanına äylände.

Däwlät başlığı Êmmanuêl’ Makronnıñ layıqlı yalğa çığu yäşen 62dän 64kä kütärüçe qanun ölgese ildä kiyerenkelek tudırdı.

Franŝiyadä protest çaraları oyıştırıla, Parij suğış mäydanına äylände diyärlek.

Pänceşämbe könne êş taşlaw çaraları başlandı, poyezd säfärläre tuqtatıldı, mäktäplär yabıldı.

Êçke êşlär ministrlığı açıqlağan sannarğa kürä soñğı 3 köndä 1 millionnan artıq keşe uramnarğa çıqtı.

Hönärçe berlekläre Makron qanun ölgesen kire çikkänçegä qadär çara oyıştıraçaqların açıqladı.

Parijdağı rizasızlıq belderü çaralarında 5 meñnän artıq poliŝiya xezmätkäre wazifa başqara, 40tan artıq protestçı qulğa alındı.

Layıqlı yal reformasına qarşı çığuçılar 31 ğıynwar könne qabat uramnarğa ağılaçaq.