Kiçke namaz waqıtında mäçetkä höcüm

Burkina-Fasonıñ Saxel töbägendä ber mäçetta bulğan höcümdä 9 keşeneñ ğomere özelde.

İminlek çığanaqlarınnan alınğan mäğ’lümatlarğa qarağanda, kemlekläre älegä açıqlanmağan qorallı keşelär Falaguntu rayonındağı ğıybadätxanägä kiçke namaz waqıtında bärep kerä. Anda, imamnı da kertep, 9 keşeneñ ğomeren özälär.

Kürşesendäge däwlät Malidağı Äl-Kaida häm DEAŞ belän bäyle törkemnär Burkina-Fasonıñ tön’yağı häm könçığışında yış qına höcümnär oyıştıra.

Xökümättäge mäğ’lümatlarğa qarağanda, älege höcümnärdä 2015nçe yıldan 2021nçe yılnıñ dekabrenä qadär 2 meñ keşeneñ ğomere özelgän, alarnıñ 600e iminlek köçläre.