“Awrupa Berlege Rusiyägä qarata sankśiyälärne beterergä tiyeş”

Vengriya prem’yer-ministrı Viktor Orban Awrupa Berlegeneñ Rusiya-Ukraina suğışı arqasında Rusiyägä qarata sankśiyälär säyäsäteneñ döres tügellegen häm monı üzgärtergä tiyeşlegen belderde.

Orban bu xaqta Vengriya däwlät radiosında yasağan çığışında citkerde.

Viktor Orban äytüençä, Rusiyägä qarşı sankśiyälär beterelsä, ênergiya bäyäläre häm ğomumi inflyaśiya yartığa töşäçäk, läkin monıñ öçen Awrupa Berlegendä säyäsi qarar qabul itelergä tiyeş.  

Prem’yer-ministr Vengriyäneñ êlek 7 milliard yevro tülägän ênergiya öçen xäzerge waqıtta sankśiyälär arqasında 17 milliard yevro tüläwen, Vengriyäneñ sankśiyälärne totqarlaw köçe yuqlığın, läkin Germaniya yäki Franśiya kebek zur däwlätlärneñ monı êşli aluın äytte.

Viktor Orban suğış häm sankśiyälär arqasında awrupalılarnıñ zur zıyan kürgänen assızıqladı.

“Amerika Quşma Ştatları suğışta ciñde, Awrupa ciñelde. Rusiya ciñdeme, ciñeldeme, bu turıda bäxäs bar. Ägär aqça turında söyläşçäk, Rusiya bik küp yuğalttı dip äytä amıybız” dide Vengriya prem’yer-ministrı Viktor Orban.